1.16 லட்சம் உறுப்பினர் அடையாள அட்டை வழங்கல்: எம்.எல்.ஏ., துவக்கிவைப்பு

ஓமலுார், அ.தி.மு.க.,வின் சேலம் புறநகர் மாவட்டம் சார்பில் உறுப்பினர் சேர்க்கை பணி நடந்தது. அதில் ஓமலுார் சட்டசபை தொகுதியில், 1.16 லட்சம் உறுப்பினர்கள் சேர்க்கப்பட்டு, அதற்கான படிவங்கள், கட்சி தலைமைக்கு வழங்கப்பட்டன. இதையடுத்து கட்சி தலைமை உத்தரவுப்படி, 1.16 லட்சம் உறுப்பினர்களுக்கு அடையாள அட்டை வழங்கும் பணியை, அந்தந்த ஒன்றிய செயலரை, ஓமலுார் எல்.எல்.ஏ., மணி, அவர் வீட்டுக்கு வரவழைத்து நேற்று வழங்கி தொடங்கி வைத்தார்.அப்போது நிர்வாகிகளுடன் வந்த உறுப்பினர்களுக்கு, அவரே அடையாள அட்டையை வழங்கினார். இதில் ஓமலுார் ஒன்றிய குழு தலைவர் ராஜேந்திரன், அ.தி.மு.க., ஒன்றிய செயலர்கள் அசோகன், கோவிந்தராஜ், காடையாம்பட்டி ஒன்றிய செயலர்கள் சித்தேஸ்வரன், சுப்ரமணியன், தாரமங்கலம் ஒன்றிய செயலர் மணிமுத்து உள்பட பலர் பங்கேற்றனர்.