ஆத்தூரில் பருத்தி ஏலம் 21 லட்சத்துக்கு வர்த்தகம்

ஆத்தூர்: ஆத்தூ வேளாண்மை உற்பத்தியாளர்கள் கூட்டுறவு விற்பனை சங்கத்தில் நடந்த பருத்தி ஏலத்தில், 1,800 பருத்தி மூட்டை, 21 லட்சம் ரூபாய்க்கு விற்பனையானது.ஆத்தூர், புதுப்பேட்டை வேளாண்மை உற்பத்தியாளர்கள் கூட்டுறவு விற்பனை சங்கத்தில் நேற்று நடந்த ஏலத்துக்கு, ஆத்தூர், தம்மம்பட்டி, கெங்கவல்லி, தலைவாசல், சின்னசேலம், திருவண்ணாமலை, கள்ளக்குறிச்சி, நைனார்பாளையம் ஆகிய பகுதியை சேர்ந்த விவசாயிகள், தங்கள் விளைவித்த பருத்தியை விற்பனைக்கு கொண்டு வந்தனர்.ஏலத்தில், டி.சி.ஹெச்., ரக பருத்தி குவிண்டால் குறைந்தபட்சமாக, 3,689 ரூபாய்க்கும், அதிகபட்சமாக, 4,169 ரூபாய்க்கும், பி.டி., ரக பருத்தி குவிண்டால் குறைந்தபட்சமாக, 3,209 ரூபாய்க்கும், அதிகபட்சமாக, 3,889 ரூபாய்க்கும், கொட்டு பருத்தி குவிண்டால் குறைந்தபட்சமாக, 1,475 ரூபாய்க்கும், அதிகபட்சமாக, 1,639 ரூபாய்க்கும் விற்பனையானது.ஏலத்தில், 1,800 பருத்தி மூட்டை, 21 லட்சம் ரூபாய்க்கு விற்பனையானது.