துாய்மைப்பணியை எளிமையாக்குங்கள் ஒலித்த மழலையர் குரல்

அ ங்கேரிபாளையம் மாநகராட்சி நடுநிலைப் பள்ளியில், மக்கும், மக்காத குப்பை குறித்த விழிப்புணர்வு நிகழ்ச்சி நடத்தப்பட்டது. இதில், மக்கும், மக்காத குப்பைகள் எவை; ஏன் நாம் பிரித்து வழங்க வேண்டும் என்பது குறித்து ஐந்தாம் வகுப்பு குழந்தைகள் மழலை மொழியில் விளக்கினர். மாணவி தரணேஸ்வரி: அடைத்து வைக்கப்படும் உணவு பண்டங்கள் பிளாஸ்டிக் கவர் மூலம் பேக்கிங் செய்யப்படுகிறது. இதை மண்ணில் போட்டால், ஏழெழு ஜென்மம் எடுத்தாலும், மண்ணுக்குள் போகாது; மக்காது; மண்ணை மாசுபடுத்தும். மாணவர் ஹாசன், மாணவி ேஹம வர்ஷினி: வாட்டர் பாட்டில், ஜூஸ் பாட்டில், துணிப்பவுடர் கவர் உள்ளிட்டவை மக்காத குப்பை; மண்ணுக்கு எதிரி. பிளாஸ்டிக், உலோகங்கள் மற்றும் கண்ணாடி போன்ற கழிவுகள், மண்ணில் கலக்காமல் நீண்ட காலத்திற்கு நிலைத்திருக்கும். இவற்றை மண்ணில் வீசியெறியும் முன் யோசிக்க வேண்டும். ஒருமுறை வீசினால், ஆண்டுக்கணக்கில் பலன் கிடைக்காமல் போகும். மாணவ, மாணவியர்: இலைகள், காய்கறிகள், பழங்கள், காகிதங்கள், இயற்கையான கழிவுகள், சில காலத்திற்குப் பிறகு மண்ணில் கலந்துவிடும். தக்காளி, காய்கறி உள்ளிட்டவற்றை எவ்வளவு போட்டாலும், மண்ணுக்குள் போய்விடும். மக்கும் மற்றும் மக்காத குப்பையை பிரிப்பதன் முக்கியத்துவத்தை உணர வேண்டும்; அடுத்த தலைமுறைக்கு சுத்தமான, சுகாதாரமான மண்ணை விட்டுச் செல்ல வேண்டும். நாம் முடிந்தவரை பிளாஸ்டிக் பயன்பாட்டைக் குறைக்க வேண் டும்; மறுசுழற்சி செய்யும் வகையிலான பொருட்களை பயன்படுத்த வேண்டும். நம் வீட்டுக்கு குப்பை வாங்க வரும் சுகாதார ஊழியர் பணியை எளிமையாக்க, மக்கும், மக்காத குப்பையை தனித்தனியே பிரித்து வழங்குங்கள்; அவர்களது வேலையை எளிமையாக்கினால், அவர்கள் நம் ஊரை துாய்மையாக்குவர்.