பொது விநியோக திட்ட குறைகேட்பு முகாம்
விக்கிரவாண்டி: விக்கிரவாண்டியில் பொதுவிநியோக திட்டத்தில் பொதுமக்கள் குறைகேட்கும் முகாம் நடந்தது. வருவாய் துறை சார்பில் தாலுகா அலுவலகத்தில் நடந்த முகாமிற்கு, வட்ட வழங்கல் அலுவலர் ராஜேஷ் தலைமை தாங்கி பொதுமக்களிடமிருந்து புதிய ரேஷன் கார்டு, பெயர் சேர்த்தல், நீக்கல், முகவரி மாற்றம், முதியோர் மாற்றுத்திறனாளிகள் அங்கீகார சான்று உள்ளிட்ட மனுக்களை பெற்றார். தேர்தல் தனி தாசில்தார் பாரதிதாசன், தலைமையிடத்து துணை தாசில்தார் அரிதாஸ், வருவாய் ஆய்வாளர்கள் தயாநிதி, நாகராஜன், பொறியாளர் சுரேஷ் உட்பட பலர் பங்கேற்றனர்.