வைட்டமின் - சி நோய் தொற்றை குறைக்காது!

தொற்று நோய்களுக்கு எழுதும் மருந்து சீட்டில், தவறாமல் இடம் பெறுவது 'வைட்டமின் - சி' மாத்திரைகள். ஆனால், தொற்றை குணப்படுத்துவதில், வைட்டமின் - சிக்கு பிரதான பங்கு எதுவும் இல்லை.கொரோனா பாதித்தவர்களை இரண்டு குழுவாக பிரித்து, ஒரு குழுவினருக்கு வழக்கமான சிகிச்சையுடன், வைட்டமின் - சி இணை மாத்திரைகள் தரப்பட்டது. மற்றொரு குழுவினருக்கு வைட்டமின் - சி தவிர்த்து, வழக்கமான சிகிச்சை தந்தோம். வைட்டமின் - சி மாத்திரை சாப்பிட்டவர்களுக்கு, மற்றவர்களை விடவும் தொற்று உடனடியாக குறைவது போன்ற எந்த சிறப்பான முன்னேற்றமும் ஏற்படவில்லை.வைட்டமின் - சியில் உள்ள அஸ்காரபிக் அமிலம், ரத்த நாளங்களில் ஏற்படும் சிதைவு, உடலின் உள் உறுப்புகளில் ஏற்படும் அழற்சியை போக்கும் தன்மை உடையது. எனவே, தீவிர தொற்றுக்கு ஓரளவு பலன் தரலாம். முறையான உணவு பழக்கம், உடற்பயிற்சி, ஆழ்ந்த துாக்கம் இவற்றால் தான் நோய் எதிர்ப்பு சக்தியை பெற முடியும்.- அகில இந்திய மருத்துவ விஞ்ஞான கழகம்,எய்ம்ஸ், புதுடில்லி.