தீ முக்கோணம்!
தீ வளர மூன்று முக்கியமான காரணிகளாக வெப்பம், ஆக்சிஜன், எரிபொருள் அமைகின்றன. இம்மூன்றும் கிடைக்கும்போது, தீ பற்றிக் கொள்ளும். இந்த முக்கோணத்தில் குறிப்பிட்ட ஏதாவது ஒரு பொருளைத் தக்க அளவிலிருந்து குறைத்தால், தீயை அணைத்துவிடலாம். காடுகள் எரிவதற்கும், மேலே குறிப்பிட்ட இந்த 3 பொருட்களும் தக்க அளவு இருக்க வேண்டும். மனிதனால் அல்லது மின்னலின் தாக்கத்தினால் காடுகளில் தீ பற்றலாம். இந்தத் தீ பரவும் அளவும், வேகமும் அங்கே கிடைக்கும் தீ முக்கோணப் பொருட்களின் அளவைப் பொறுத்ததே.