தேதி சொல்லும் சேதி

பிப்ரவரி 6, 1975 - ஆர்குட் புயுக்கோக்டன் பிறந்த நாள்துருக்கி நாட்டு மென்பொறியாளர். 2009 வரை பிரபலமாக இருந்த 'ஆர்குட்' சமூக வலைதளத்தைத் உருவாக்கினார். 2004இல் கூகுள் நிறுவனத்தால் தொடங்கி வைக்கப்பட்டு, 2014இல் கலைக்கப்பட்டது.பிப்ரவரி 7, 1877 - ஜி.எச்.ஹார்டி பிறந்த நாள்இந்தியாவின் ராமானுஜத்தை கணித உலகுக்கு அறிமுகம் செய்த இங்கிலாந்தைச் சேர்ந்த புகழ்பெற்ற கணித வல்லுநர். எண் தேற்றம், கணிதப் பகுப்பாய்வு ஆகிய துறைகளில் சிறந்து விளங்கினார்.பிப்ரவரி 7, 1902 - தேவநேயப் பாவாணர் பிறந்த நாள்'மொழிஞாயிறு' என்று அறியப்படும் தமிழறிஞர். பல மொழிகளின் இலக்கணங்களைக் கற்றுத் தேர்ந்திருந்தார். பல தமிழ் அறிஞர்கள் பற்றி நூல்கள் எழுதியுள்ளார். 'தமிழ்ச் சொற்பிறப்பியல் அகரமுதலியின் தந்தை' எனவும் போற்றப்படுகிறார்.பிப்ரவரி 8, 1834 - டிமிட்ரி மெண்டிலீவ் பிறந்த நாள்கனிம அட்டவணையின் தந்தை. வேதியியல் தனிமங்களின் அணு நிறையைக் கொண்டு ஆவர்த்தன அட்டவணையை உருவாக்கினார். அவரது காலத்தில் கண்டுபிடிக்கப்படாத தனிமங்களின் இயல்புகளையும் வரையறுத்து சாதனை படைத்தார். பிப்ரவரி 8, 1897 - ஜாகிர் உசேன் பிறந்த நாள்இந்தியாவின் 3வது குடியரசுத் தலைவர். பீஹார் ஆளுநர், குடியரசுத் துணைத் தலைவராகவும் இருந்துள்ளார். பத்ம விபூஷண், பாரத ரத்னா விருதுகளை மத்திய அரசு வழங்கிச் சிறப்பித்துள்ளது.பிப்ரவரி 11, 1847 - தாமஸ் ஆல்வா எடிசன் பிறந்த நாள்'கண்டுபிடிப்புகளின் தந்தை'. தனது வாழ்நாள் முழுவதும் ஆராய்ச்சிகள், கண்டுபிடிப்புகளுக்காகவே வாழ்ந்து சுமார் 1300 கண்டுபிடிப்புகளை நிகழ்த்திக் காட்டினார். இவரது உடலை அடக்கம் செய்யும்போது, அமெரிக்கா முழுவதும் ஒரு நிமிடம் மின் விளக்குகள் அணைக்கப்பட்டன.