அந்துமணி பதில்கள்!

* கே. கணேசன், மறைமலைநகர்: தேசிய கட்சிகளான, காங்., - பா.ஜ.,வின் எதிர்காலம் தமிழகத்தில் எப்படி இருக்கும்?இரு கட்சிகளுமே, தி.மு.க., - அ.தி.மு.க.,வின் சேலையை பிடித்துக் கொண்டு தான் இருக்கும்!ஜி. கலைவாணி, செங்கல்பட்டு: தமிழகத்திற்கு தேவை இரு மொழிக் கொள்கையா, மும்மொழிக் கொள்கையா?சந்தேகம் இல்லாமல் இரண்டாவதே! ஹிந்தியை எதிர்ப்பவர்கள், தம் வாரிசுகளை அம்மொழி புலவராக்கலாம்; அவர்கள் நடத்தும் பள்ளிகளில் அம்மொழியைச் சொல்லிக் கொடுக்கலாம். ஆனால், அரசு பள்ளியில் படிக்கும், நடுத்தர, கீழ் தட்டு மாணவர்களுக்கு, ஹிந்தி மறுக்கப்படுவது எவ்வகையில் நியாயம்? வெ. ராமமூர்த்தி, கடையநல்லுார்: பெண்களே இல்லாமல், சினிமா படம் தயாரிக்க முடியாதா?கண்களே இல்லாதவர்களை படம் பார்க்கச் சொல்கிறீர்கள் போலும்! கோ. குப்புசாமி, சங்கராபுரம், கள்ளக்குறிச்சி: ஆந்திராவைப் போன்று, தமிழகத்திலும் மூன்று தலைநகர் உருவாக்கலாம் என்று கூறுகின்றனரே... இது சரிப்பட்டு வருமா?இரண்டு தலைநகர் போதும்; சென்னையை அடுத்து, மதுரை அல்லது திருச்சியில் அமைந்தால், மக்களின் பிரச்னைகள் சுலபமாகத் தீரும்! ஜி. விஜயகுமார், நீலாம்பூர், கோவை: பெயரில் முருகன் பெயரை வைத்துள்ள, துரைமுருகன், முருக கடவுளை வணங்குவாரா?தி.மு.க.,வின் இளைஞர் அணி தலைவர், உதயநிதி ஸ்டாலின், தன் வீட்டிலேயே பூஜை அறை உள்ளதாகக் கூறி இருக்கிறாரே... இந்த முருகன் வீட்டிலும் இல்லாமல் இருக்குமா? இவர், வணங்காமல் இருப்பாரா?வி. மகாதேவன், சென்னை: இந்தியாவை, சீனா பிடித்துவிடும் என்று சொல்கின்றனரே...இந்தியாவின் வரைப்படத்தை வேண்டுமானால், பார்த்துக் கொள்ளலாம்! இந்தியாவை ஒருநாளும் அவர்களால் பிடிக்க முடியாது! * முருகு. செல்வகுமார், சென்னை: திராவிட கட்சிகள் தவிர்த்து, புது கட்சிகள் தலைமையில் கூட்டணி ஆட்சியாவது அமையுமா?கட்சி ஆரம்பித்து, ரஜினி தலைமையில் கூட்டணி சேருமானால், உங்களது ஆசை நிறைவேறும்!