பிரதமர் மோடி முன்னிலையில் பா.ஜ.,வில் கஸ்துாரி ஐக்கியம்?

பா.ஜ.,வில் இருந்து விலகிய நடிகை கவுதமி, அ.தி.மு.க.,வில் இணைந்துள்ளார். அதே நேரத்தில், பிரதமர் மோடி முன்னிலையில் பா.ஜ., வில் நடிகை கஸ்துாரி இணைகிறார் என்ற தகவல் வெளியாகி உள்ளது.நடிகை கவுதமி, 1997ல் பா.ஜ., வில் இணைந்தார். இளைஞரணி துணை தலைவர், தேசிய செயற்குழு உறுப்பினர் உள்ளிட்ட பதவிகளை வகித்தார். தன் சொத்து தொடர்பான பிரச்னையில், பா.ஜ., தனக்கு உதவவில்லை எனக்கூறி, கடந்த ஆண்டு அக்டோபரில், பா.ஜ.,வில் இருந்து விலகினார்.https://static.vidgyor.com/player/vod/html/indexv2.html?videoId=rn7nity9&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0எந்த கட்சியிலும் சேராமல் இருந்த அவர், முன்னாள் எம்.எல்.ஏ., டாக்டர் சரவணன் ஏற்பாட்டில், சமீபத்தில், அ.தி.மு.க., பொதுச்செயலர் பழனிசாமி முன்னிலையில், அ.தி.மு.க.,வில் இணைந்தார்.கவுதமிக்கு கொள்கை பரப்பு இணை செயலர் பதவி வழங்க வாய்ப்பு உள்ளது. இந்த தேர்தலில் அவர் போட்டியிடவில்லை. ஆனால், அ.தி.மு.க., வேட்பாளர்களுக்காக தேர்தல் பிரசாரம் மேற்கொள்கிறார்.சுற்றுப்பயணத்தின் போது, அவரது தேர்தல் பிரசாரத்திற்கு பதிலடி தரும் வகையில் நடிகை கஸ்துாரியை, பா.ஜ.,வில் இணைக்கும் பேச்சு துவக்கப்பட்டுள்ளது.வரும் 27ம்தேதி, பல்லடத்தில், தமிழக பா.ஜ., தலைவர் அண்ணாமலையின், 'என் மண் என் மக்கள்' பாதயாத்திரை நிறைவு விழா பொதுக்கூட்டத்தில் பிரதமர் மோடி பங்கேற்கிறார்.அந்த பொதுக்கூட்டத்தை, தமிழகத்தில் அரசியல் புரட்சி ஏற்படுத்தும் வகையில் பிரமாண்டமாக நடத்துவதற்கு நேற்று முன்தினம் கால்கோள் விழாவும் நடத்தி முடிக்கப்பட்டுள்ளது.அன்று, மாற்று கட்சிகளிலிருந்து முக்கிய நிர்வாகிகள், குறிப்பாக, தமிழக காங்கிரஸ் கட்சியின் முக்கிய பிரமுகர்களும், பிரதமர் மோடி முன்னிலையில் பா.ஜ.,வில் இணைகின்றனர். அவர்களின் வரிசையில், கஸ்துாரியும் பா.ஜ.,வில் இணைகிறார் என்ற தகவல் வெளியாகி உள்ளது.

நல்ல முடிவு எடுப்பேன்

ஹிந்து மதத்தை ஆதரிக்கும் சிந்தனை உடைய நான், ஹிந்து மதத்திற்கு ஆதரவாக நடக்கும் கூட்டங்களில் கருத்தரங்குகளில், மாநாடுகளில் பங்கேற்று பேசியிருக்கிறேன். தமிழக பா.ஜ., தலைவர் அண்ணாமலை பங்கேற்ற மூன்று, நான்கு கூட்டங்களில் நானும் பங்கேற்றுள்ளேன். கோவையில் ஓடும் ஆறுகள் மாசுபடிவதை தடுக்கவும், சுற்றுச்சூழலை பாதுகாக்கவும் நடத்திய கூட்டத்தில், அண்ணாமலையும், நானும் பங்கேற்றுள்ளோம். சென்னையில் அண்ணாமலையுடன் நான் பங்கேற்ற நிகழ்ச்சியை பெப்சி சிவா ஏற்பாடு செய்திருந்தார். கண்டிப்பாக, தீவிர அரசியலில் ஈடுபடுவேன். சரியான நேரத்தில் நல்ல முடிவு எடுப்பேன்.- நடிகை கஸ்துாரி-நமது நிருபர்-