ஆலப்புழா போகலாமா?

புதுச்சேரியில் இருந்து, கேரள மாநிலத்தில் உள்ள ஆலப்புழாவிற்கு செல்ல நேரடி ரயில் சேவை கிடையாது. ஆனால், சென்னை எழும்பூரில் இருந்து விழுப்புரம் வழியாக தினசரி செல்லும் குருவாயூர் எக்ஸ்பிரஸ் (16127) ரயில் மூலம் செல்ல முடியும்.தினமும் மதியம் 12:15 மணிக்கு விழுப்புரம் ரயில் நிலையத்துக்கு வரும் குருவாயூர் எக்ஸ்பிரஸ் ரயில், அதிகாலை 2:57 மணிக்கு ஆலப்புழா ரயில் நிலையம் சென்றடைகிறது. அதுபோல, ஆலப்புழாவில் இருந்து தினசரி அதிகாலை 2:20 மணிக்கு புறப்படும் குருவாயூர் எக்ஸ்பிரஸ், மாலை 5:35 மணிக்கு விழுப்புரம் வருகிறது. இதுதவிர, புதுச்சேரி புதிய பஸ் நிலையம் அருகில் இருந்து கேரளா மாநிலம் ஆலப்புழாவிற்கு தினசரி கல்லாடா ஆம்னி பஸ் இரவு 9:00 மணி மற்றும் 9:30 மணிக்கு புறப்பட்டு செல்கிறது.