12 ஐ - போன்கள் ராயபுரத்தில் பறிமுதல்

சென்னை:ராயபுரம், என்.ஆர்.டி., மேம்பாலம் அருகே, கூடுதல் பறக்கும் படை அதிகாரி அருண் கென்னடி தலைமையில், நேற்று வாகன சோதனை நடந்தது. ஆட்டோவை நிறுத்தி சோதனை செய்ததில், உரிய ஆணவங்கள் இன்றி எடுத்துச் செல்லப்பட்ட 18 லட்சம் ரூபாய் மதிப்பிலான 12 ஐ - போன்கள் சிக்கின.விசாரணையில், திருச்சியைச் சேர்ந்த அசான், 30 என்பதும், பர்மா பஜாரில் உள்ள கடையில் விற்க ஐ - போன்களை எடுத்துச் செல்வதும் தெரிய வந்தது. உரிய ஆவணங்கள் இல்லாததால், அவை பறிமுதல் செய்யப்பட்டன.கொளத்துார் ஜவஹர் நகரில் நேற்று முன்தினம் இரவு நடந்த வாகன சோதனையின்போது, நம்மாழ்வார்பேட்டையைச் சேர்ந்த பரத், 36, என்பவரிடம் இருந்து 68,000 ரூபாய் பறிமுதல் செய்யப்பட்டது. கோயம்பேடு, நெற்குன்றத்தைச் சேர்ந்த சந்தோஷ் என்பவரிடம் தேர்தல் பறக்கும் படையினர் சோதனையில் செய்ததில், சந்தோஷிடம் இருந்து 65,500 ரூபாயை பறிமுதல் செய்து, கிண்டியில் உள்ள கருவூலத்தில் ஒப்படைத்தனர்.