கட்டுப்பாட்டை இழந்து சாலையில் கவிழ்ந்த லாரி

ஸ்ரீபெரும்புதுார், ஸ்ரீபெரும்புதுார் அடுத்த, சுங்குவார்சத்திரத்தில் இருந்து, மரச்சாமான்களை ஏற்றிக் கொண்டு, பெங்களூரு நோக்கி நேற்று மாலை, 'ஈச்சர்' லாரி ஒன்று சென்றது.சென்னை -- பெங்களூரு தேசிய நெடுஞ்சாலையில், சுங்குவார்சத்திரம் அடுத்த சேந்தமங்கலம் அருகே சென்ற போது, ஓட்டுனரின் கட்டுப்பாட்டை இழந்த லாரி, சாலையில் கவிழ்ந்து விபத்துக்குள்ளானது.இதில், வாகனத்தில் இருந்த 3 டன் எடை கொண்ட மரச்சாமான்கள் சாலையில் கொட்டின. ஓட்டுனர் சிறு காயங்களுடன் உயிர் தப்பினார்.தகவலறிந்து வந்த நெடுஞ்சாலை ரோந்து போலீசார், 'பொக்லைன்' உதவியுடன் சாலையில் கவிழ்ந்த லாரியை அப்புறப்படுத்தி, போக்குவரத்தை சரி செய்தனர்.இதனால், சென்னை -- பெங்களூரு தேசிய நெடுஞ்சாலையில், 1 மணி நேரத்திற்கும் மேலாக போக்குவரத்து பாதிக்கப்பட்டது.