தென்னையில் சாகுபடி பயிற்சி மாதப்பூரில் இன்று துவக்கம்

சூலூர்: தென்னையில் ஒருங்கிணைந்த சாகுபடி குறித்த பயிற்சி முகாம்,கரவழி மாதப்பூரில் இன்று நடக்கிறது. சூலூர் தோட்டக்கலைத்துறை மற்றும் சென்னியாண்டவர் உழவர் உற்பத்தியாளர் நிறுவனம் சார்பில், தென்னையில் ஒருங்கிணைந்த சாகுபடி குறித்த பயிற்சி முகாம் நடக்கிறது. கரவழி மாதப்பூரில், விவசாயி சிவசாமி தோட்டத்தில் இன்று காலை 10:30 மணிக்கு, துவங்கும் முகாமில், பொள்ளாச்சி ஆழியாறு தென்னை ஆராய்ச்சி மைய விஞ்ஞானி சுதாலட்சுமி பங்கேற்று பயிற்சி அளிக்க உள்ளார். தென்னந்தோப்புகளில் நேரடியாக பயிற்சி அளிக்கப்பட உள்ளது. ஆர்வமுள்ள விவசாயிகள் அனைவரும் பயிற்சி முகாமில் தவறாது பங்கேற்று பயன்பெற சூலூர் வட்டார தோட்டக்கலைத்துறை அழைப்பு விடுத்துள்ளது.