ஆனைமலையில் கொப்பரை ஏலம் 

ஆனைமலை:ஆனைமலை ஒழுங்குமுறை விற்பனை கூடத்தில் கொப்பரை ஏலம் நடந்தது.ஆனைமலை ஒழுங்குமுறை விற்பனை கூடத்தில் வாரந்தோறும் செவ்வாய் கிழமையில் கொப்பரை ஏலம் நடக்கிறது. நேற்று, கண்காணிப்பாளர் செந்தில்முருகன் தலைமையில் கொப்பரை ஏலம் நடந்தது.முதல் தர கொப்பரை, 172 மூட்டைகள் ஏலம் விடப்பட்டதில் கிலோவுக்கு, 78.36 ரூபாய் முதல், 81.76 ரூபாய் வரை விலை கிடைத்தது.இரண்டாம் தர கொப்பரை, 316 மூட்டைகள் ஏலம் விடப்பட்டதில் கிலோவுக்கு, 35 முதல், 72.16 ரூபாய் வரை விலை கிடைத்தது.மொத்தம், 488 கொப்பரை மூட்டைகளை, 80 விவசாயிகள் கொண்டு வந்தனர். ஏழு வியாபாரிகள் ஏலத்தில் பங்கேற்றனர்.கடந்த வாரத்தை விட, 16 மூட்டைகள் வரத்து அதிகரித்து காணப்பட்டது. கிலோவுக்கு, 60 பைசா விலை சரிந்தது.இந்த வாரம், 15.81 லட்சம் ரூபாய் மதிப்பிலான மொத்தம், 219.60 குவிண்டால் கொப்பரை ஏலத்தில் விற்பனையானது. இத்தகவலை விற்பனை கூட கண்காணிப்பாளர் தெரிவித்தார்.