மங்கலம்பேட்டை பள்ளியில் தினமலர்- பட்டம் இதழ் வழங்கல்

விருத்தாசலம்: மங்கலம்பேட்டை அரசு ஆண்கள் மேல்நிலைப் பள்ளியில், 'தினமலர் - பட்டம்' இதழ் வழங்கும் நிகழ்ச்சி நடந்தது.பள்ளி மாணவ, மாணவியரின் வாசிப்பு திறனை மேம்படுத்தவும், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதைய தொழில்நுட்ப மேம்பாடு உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில், 'தினமலர்-பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.மங்கலம்பேட்டை அரசு ஆண்கள் மேல்நிலைப் பள்ளியில், மங்கலம்பேட்டையில் உள்ள ஆப்பிள் சில்க்ஸ் அன்ட் ரெடிமேட்ஸ் சார்பில் 'தினமலர் - பட்டம்' இதழ் வழங்கப்படுகிறது. இதனை, உரிமையாளர்கள் அன்பழகன், பொறியாளர் சுபாஷ் சந்திரபோஸ் ஆகியோர் வழங்கி, துவக்கி வைத்தனர்.தலைமை ஆசிரியர் சசிரேகா, ஆசிரியர்கள் கோமதி, ராமமூர்த்தி, பாபாஜி உள்ளிட்டோர் உடனிருந்தனர்.