நந்திமங்கலம் - அருகேரிஇணைப்பு சாலை பஞ்சர்

பெண்ணாடம்: குண்டும் குழியுமாக போக்குவரத்திற்கு லாயக்கற்ற நந்திமங்கலம் - அருகேரி கிராம இணைப்பு சாலையை சீரமைக்க வேண்டும்.பெண்ணாடம் அடுத்த நந்திமங்கலம் - அருகேரி கிராமங்களை இணைக்கும், சாலையை பயன்படுத்தி, வடகரை, கோனுார், நந்திமங்கலம், எடையூர், எரப்பாவூர் உட்பட பல கிராம மக்கள், பெண்ணாடம், விருத்தாசலம், வேப்பூர், நல்லுார் பகுதிகளுக்கு எளிதில் சென்று வருகின்றனர்.பராமரிப்பின்றி உள்ள சாலையில், ஜல்லிகள் பெயர்ந்து, குண்டும் குழியுமாக போக்குவரத்திற்கு லாயக்கற்ற நிலைக்கு மாறியது. இதனால் இவ்வழியே செல்லும் வாகனங்கள் அடிக்கடி பழுதாவதுடன், இரவில் வருவோர் தவறி விழுந்து காயமடைகின்றனர்.எனவே, குண்டும் குழியுமான நந்திமங்கலம் - அருகேரி கிராம இணைப்பு சாலையை சீரமைக்க நடவடிக்கை எடுக்க வேண்டும்