புத்தேரி வெற்றி விநாயகருக்கு சங்கடஹர சதுர்த்தி வழிபாடு

பெண்ணாடம்: பெண்ணாடம் அடுத்த புத்தேரி ஸ்ரீ தேவி, பூதேவி சமேத வரதராஜ பெருமாள் கோவில் வெற்றி விநாயகர் சுவாமிக்கு சங்கடஹர சதுர்த்தி சிறப்பு பூஜை நடந்தது.இதனை முன்னிட்டு, நேற்று காலை 10:00 மணியளவில் மூலவர் சுவாமிக்கு சிறப்பு வழிபாடு; 10:30 மணியளவில் தீபாராதனை நடந்தது. காலை 10:45 மணியளவில் கோவில் பிரகாரத்தில் உள்ள வெற்றி விநாயகர் சுவாமிக்கு சிறப்பு அபிேஷகம்; பகல் 11:00 மணியளவில் மகா தீபாராதனை நடந்தது. ஏராளமானோர் தரிசனம் செய்தனர்.பூஜை ஏற்பாடுகளை, பஞ்சவடீ, பஞ்சமுக ஆஞ்சநேயர் கோவில் தலைவர் கோதண்டராமன், புத்தேரி செல்வ விநாயகர் மற்றும் வரதராஜ பெருமாள் கோவில் தலைவர் தமிழ்மணி ராதாகிருஷ்ணன், ஆலய ஆலோசகர் ராதாகிருஷ்ணன் செய்திருந்தனர்.