தந்தையை தாக்கி மிரட்டிய மகன், மகள் மீது வழக்கு

கள்ளக்குறிச்சி: கள்ளக்குறிச்சி அருகே தந்தையை தாக்கிய மகன், மகள் மீது போலீசார் வழக்கு பதிந்து விசாரித்து வருகின்றனர்.கள்ளக்குறிச்சி அடுத்த வாணவரெட்டி சேர்ந்தவர் ஜெய்சங்கர்,48; கொத்தனார் கூலி தொழிலாளி. கேரளாவில் தனது மனைவியுடன் வேலை செய்து வந்த ஜெய்சங்கர், கடந்த 17 ம் தேதி சொந்த ஊருக்கு வந்துள்ளார். வீட்டில் கேரளாவில் தாயின் நடத்தை சரியில்லை என்று தனது மகன் பார்த்தசாரதி,22; மகள் ஷர்மிளா ஆகியோரிடம் கூறியுள்ளார்.இதில் ஆத்திரமடைந்த பார்த்தசாரதி, ஷர்மிளா ஆகியோர் சேர்ந்து தனது தந்தை ஜெய்சங்கரை திட்டி தாக்கி கொலை மிரட்டல் விடுத்துள்ளனர். இது குறித்து வரஞ்சரம் போலீசார் வழக்கு பதிந்து பார்த்தசாரதியை கைது செய்தனர்.