கோடைகால இலவச விளையாட்டுப் பயிற்சி

மதுரை: தமிழ்நாடு விளையாட்டு மேம்பாட்டு ஆணையம் சார்பில் மதுரை ரேஸ்கோர்ஸ் மைதானத்தில் கோடை கால இலவச விளையாட்டுப் பயிற்சி முகாம் ஏப்.,29 முதல் மே 13 வரை நடக்கிறது.18 வயதுக்குட்பட்ட பள்ளி, கல்லுாரி மாணவ மாணவிகளுக்கு தடகளம், வாலிபால், கூடைபந்து, கால்பந்து, ஹாக்கி விளையாட்டுகளில் சிறப்பு பயிற்சி அளிக்கப்படுகிறது. ஏப்., 29 காலை 6:00 மணிக்கு பயிற்சி பெற வரும் போது ரூ.200 கட்டணத்தை ஆன்லைன் மூலம் செலுத்த வேண்டும். தினமும் காலை 6:30 முதல் 8:00 மணி, மாலை 4:30 முதல் 6:00 மணி வரை பயிற்சி உண்டு. பங்கேற்பு சான்றிதழ் வழங்கப்படும்.மேலும் ஹேண்ட்பால், ஜிம்னாஸ்டிக், மாற்றுத்திறனாளிகளுக்கான தடகள விளையாட்டுகளில் கட்டணத்துடன் பயிற்சி அளிக்கப்படும். விளையாட்டு மேம்பாட்டு ஆணையத்தின் கீழ் விளையாட்டு விடுதிகளில் சேர விரும்பும் மாணவ, மாணவிகள் இப்பயிற்சி முகாமில் சேர்ந்து பயன்பெறலாம் என மாவட்ட விளையாட்டு அலுவலர் ராஜா தெரிவித்துள்ளார்.