மூத்தோர் தடகள போட்டியில் பங்கேற்க வீரர்களுக்கு அழைப்பு

கோத்தகிரி: ஊட்டியில் நடைபெறும் தடகள போட்டியில் பங்கேற்க, வீரர்களுக்கு அழைப்பு விடுக்கப்பட்டுள்ளது. நீலகிரி மாவட்ட மூத்தோர் தடகள சங்கத் தலைவர் காரி மற்றும் செயலாளர் திவாகரன் ஆகியோர் வெளியிட்டுள்ள அறிக்கை; ஊட்டி எஸ்.ஏ.டி.பி., திறந்தவெளி மைதானத்தில் வரும், 7ம் தேதி தடகள போட்டி நடக்கிறது. இதில், 35 வயதுக்கு மேற்பட்ட மற்றும் 95 வயதுக்கு உட்பட்ட ஆண்கள் மற்றும் பெண்கள் பங்கேற்கலாம். இதில், 100 மீ., 400 மீ., 800 மீ., 1,500 மீ., 5 கி.மீ., நடைப்போட்டி, 5 கி.மீ., ஓட்டப் போட்டி, 1,500 மீ., ஓட்டப்போட்டி பொதுவானதாக நடக்கிறது. தவிர, நீளம் தண்டுதல், உயரம் தாண்டுதல், குண்டு எறிதல், வட்டு எறிதல் போட்டிகளில், முதல் இரு இடங்களை பிடிக்கும் வீரர்கள், டிச., 20 மற்றும் 21ம் தேதிகளில் காரைக்குடி அழகப்பா பல்கலைக் கழகத்தில் நடைபெறும் விளையாட்டுப் போட்டியில் பங்கேற்க தகுதி பெறுவர். இதில், சிறப்பு விருந்தினர்களாக ஆனந்தகுரு, ஸ்ரீ மேக்னா சாய் மற்றும் மத்திய கஸ்டம்ஸ் அதிகாரி பன்னீர்செல்வம் ஆகியோர் பங்கேற்கின்றனர். போட்டியில் பங்கேற்க விருப்பம் உள்ளவர்கள், 97875 56420, 94427 91162 மற்றும் 94438 57280 ஆகிய மொபைல் எண்களை தொடர்பு கொள்ளலாம். இவ்வாறு, அறிக்கையில் கூறப்பட்டுள்ளது.