சேரந்தையில் மரங்கள் இல்லாத அரசுப் பள்ளி

சிக்கல்: சிக்கல் அருகே சேரந்தை ஊராட்சி ஒன்றிய தொடக்கப்பள்ளி அமைந்துள்ளது. இங்கு தலைமை ஆசிரியர் உட்பட ஆசிரியர் மற்றும் 70-க்கும் மேற்பட்ட மாணவர்கள் படிக்கின்றனர்.பள்ளி வளாக நுழைவு வாயில் பகுதியில் கதவு பொருத்தப்படவில்லை. இதனால் கால்நடைகளின் தொல்லை அதிகரித்து வருகிறது. சேரந்தையை சேர்ந்த பா.ஜ., நிர்வாகி கோவிந்தன் கூறியதாவது:வளாகம் முழுவதும் மரக்கன்றுகள் ஏதுமின்றி பொட்டல் தரையாக காட்சி தருகிறது. இதனால் அதிக வெப்பம் நிலவுகிறது.பள்ளி மாணவர்களின் நலன் கருதி பள்ளி வளாகத்தில் மரக்கன்றுகளை நட்டு பராமரிக்கவும், வெளிப்புற கதவு அமைக்கவும் ஊராட்சி நிர்வாகம் நடவடிக்கை எடுக்க வேண்டும் என்றார்.