தண்ணீரை சேமிப்பதில் கவனம் அரசுக்கு அன்புமணி வலியுறுத்தல்

ஏற்காடு: ''காவிரி விவகாரத்தில் அரசியல் பார்க்காமல் தமிழக மக்களின் எதிர்கால தேவை கருதி, தண்ணீர் சேமிப்பதில் அரசு முழு கவனம் செலுத்த வேண்டும்,'' என, பா.ம.க., தலைவர் அன்பு-மணி வலியுறுத்தினார்.ஏற்காட்டில், நேற்று அவர் அளித்த பேட்டி:மேட்டூர் அணை விரைவில் நிரம்பி உபரிநீர் கடலில் சென்று வீணாகும் நிலை உள்ளது. உபரிநீரை தமிழகத்துக்கு பயன்பெறும்-படி திட்டங்களை வகுக்க, பா.ம.க., தொடர்ந்து வலியுறுத்தி வரு-கிறது. காவிரி குறுக்கே, 10 கி.மீ.,க்கு ஒரு தடுப்பணை கட்டினால், 70 டி.எம்.சி., நீரை சேமிக்க முடியும். காலநிலை மாற்றத்தால் எதிர்காலத்தில் மோச-மான விளைவு ஏற்பட வாய்ப்புள்ளது.இதனால் நீர் மேலாண்மையில் தமிழக அரசு முதலீடு செய்து திட்-டங்களை செயல்படுத்த வேண்டும். காவிரி விவகாரத்தில் அர-சியல் பார்க்காமல் தமிழக மக்களின் எதிர்கால தேவை கருதி, தண்ணீர் சேமிப்பதில் அரசு முழு கவனம் செலுத்த வேண்டும்.தமிழகத்தில் ஒரு மாதத்தில், 100க்கும் மேற்பட்ட கொலைகள் நடந்துள்ளன. இதை தடுக்காமல், முதல்வர் என்ன செய்து கொண்டிருக்கிறார் என தெரியவில்லை.இவ்வாறு அவர் கூறினார்.