கனவு இல்ல திட்டம் அதிகாரிகள் ஆலோசனை

பனமரத்துப்பட்டி, பனமரத்துப்பட்டி ஒன்றிய அலுவலகத்தில், தமிழக அரசின் கலைஞர் கனவு இல்ல திட்டத்தை செயல்படுத்தல் தொடர்பான ஆலோசனை கூட்டம் நேற்று நடந்தது. அதில் வீடு கட்ட, 3.50 லட்சம் ரூபாய் மானியம்; பயனாளிகளை தேர்வு செய்ய, ஊராட்சி தலைவர், ஒன்றிய பொறியாளர், மேற்பார்வையாளர், மண்டல துணை பி.டி.ஓ., வார்டு உறுப்பினர் உள்ளிட்டோர் அடங்கிய குழு அமைத்தல்; ஏற்கனவே பயனாளிகள் கண்டறியப்பட்டு பட்டியல் தயாரிக்கப்பட்டுள்ளது. அதில் விடுபட்ட தகுதியான பயனாளிகளின் பெயரை கிராம சபா கூட்டத்தில் வைத்து தீர்மானம் நிறைவேற்றி பட்டியலில் சேர்த்தல் உள்ளிட்டவை குறித்து ஆலோசிக்கப்பட்டது. கமிஷனர், பி.டி.ஓ., பொறியாளர்கள், ஊராட்சி செயலர்கள் பங்கேற்றனர்.