காசநோய் வில்லைகள் விற்பனையில் சாதனை

சேலம்: சேலம் கலெக்டர் அலுவலகத்தில், 74வது தொகுதி காசநோய் வில்லைகள் வெளியீட்டு விழா, நேற்று நடந்தது. கலெக்டர் பிருந்-தாதேவி, காசநோய் வில்லையை வெளியிட்டு பேசியதாவது:மாநில அளவில், காசநோய் வில்லைகள் விற்பனையில், சேலம் மாவட்ட காசநோய் தடுப்புக்கழகம், கடந்த, 12 ஆண்டுகளாக முதலிடம் வகிக்கிறது. கடந்தாண்டு சேலம் மாவட்டத்தில், 15.03 லட்ச ரூபாய் மதிப்புள்ள காசநோய் வில்லைகள் விற்பனை நடந்து, முழு இலக்கை எட்டியது. இதில், சேலம் மாநகர் போலீஸ் கமிஷனர், மாவட்ட எஸ்.பி., ஆகியோர் முதல் பரிசு, நகர்புற ஊரமைப்பு உதவி இயக்குனர் இரண்டாம் பரிசு, தாரமங்-கலம் மாவட்ட கல்வி அலுவலர் மூன்றாம் பரிசு பெற்றனர். கடந்தாண்டை போல, நடப்பாண்டும் காசநோய் வில்லைகள் விற்பனைக்கு அனைத்து அலுவலர்களும் ஒத்துழைப்பு வழங்க வேண்டும்.இவ்வாறு பேசினார்.