பெங்களூரு பிரிவில் பாதை பணி சில ரயில்கள் தர்மபுரி செல்லாது

சேலம், சேலம் ரயில்வே கோட்ட நிர்வாக அறிக்கை: பெங்களூரு பிரிவில் பெலந்துார் சாலை - ஓசூர் இடையே, 2வது ரயில் பாதை அமைக்கும் பணி நடக்கிறது. இதனால் நவ., 16 காலை, 6:10க்கு புறப்படும், பெங்களூரு - எர்ணாகுளம் எக்ஸ்பிரஸ்; காலை, 7:30க்கு கிளம்பும், பெங்களூரு - காரைக்கால் ரயில்; காலை, 7:25க்கு புறப்படும் கோவை - பெங்களூரு வந்தேபாரத் ரயில்; மதியம், 2:20க்கு கிளம்பும் பெங்களூரு - கோவை வந்தேபாரத் ரயில்; 8:50க்கு புறப்படும் கோவை - லோகமான்யதிலக் எக்ஸ்பிரஸ்; மதியம், 3:55க்கு கிளம்பும் யஷ்வந்த்பூர் - சேலம் ரயில் ஆகியவை, மாற்று தடமாக கிருஷ்ணராஜபுரம், திருப்பத்துார் வழியே இயக்கப்படும். தர்மபுரி, ஓசூர் ஸ்டேஷன்கள் செல்லாது.