திருவாரூர் - காரைக்குடி ரயில் நேரம் மாற்றம்

காரைக்குடி: திருவாரூர் - காரைக்குடி ரயில் நேரத்தை ரயில்வே துறை மாற்றம் செய்துள்ளது.திருவாரூரிலிருந்து காரைக்குடி வரை இயக்கப்படும் டெமோ பாசஞ்சர் ரயில் திருவாரூரிலிருந்து காலை 8:25 க்கு புறப்பட்டு காரைக்குடிக்கு மதியம் 11:30 மணிக்கு வருகிறது.இனி திருவாரூரில் காலை 6:20 மணிக்கு புறப்பட்டு காரைக்குடிக்கு காலை 9:35க்கு வந்து சேரும் என ரயில்வே துறை அறிவித்துள்ளது. அதேபோல் மறு மார்க்கத்தில் காரைக்குடியில் இருந்து மாலை 4:00 மணிக்கு புறப்படும் இந்த ரயில் இனி 6:00 மணிக்கு புறப்பட்டு இரவு 9:25 மணிக்கு திருவாரூர் சென்றடையும். இந்த ரயில் நேரமாற்றம் வரும் மே 3 ஆம் தேதி முதல் அமலுக்கு வருகிறது.