காரைக்குடி அரசு பொறியியல் கல்லூரிக்கு ரூ.30 லட்சம் ஒதுக்கீடு

சிவகங்கை : காரைக்குடி அழகப்ப செட்டியார் அரசு பொறியியல் கல்லூரியில் கூடுதலாக 4 வகுப்பறை கட்டடம் கட்ட அரசு 30 லட்ச ரூபாய் ஒதுக்கீடு செய்துள்ளது. இக்கல்லூரியில் பல்வேறு பிரிவுகளில் 700க்கும் மேற்பட்ட மாணவ, மாணவிகள் படிக்கின்றனர். மாணவர்களின் வசதிக்கென போதிய வகுப்பறை இல்லை என கல்லூரி நிர்வாகம் சார்பில், அரசுக்கு கோரிக்கை வைக்கப்பட்டது. ஒதுக்கீடு:அரசு, கல்லூரியின் கோரிக்கையை ஏற்று இங்கு புதிதாக 4 வகுப்பறைகள் கட்ட, 30 லட்ச ரூபாய் ஒதுக்கீடு செய்துள்ளது. மேலும், மாணவர்களின் போக்குவரத்து வசதிக்கென, கல்லூரி வளர்ச்சி நிதி மற்றும் சிறப்பு கட்டண நிதியில் இருந்து 19 லட்ச ரூபாய் மதிப்பில் பஸ் வழங்கப்படும் என தெரிவித்துள்ளது.