மக்காச்சோளம் சாகுபடி ஆயிரம் எக்டேர் இலக்கு
தேனி: மத்திய அரசின் மானிய திட்டத்தில் மாவட்டத்தில் ஆயிரம் எக்டேரில் மக்காச்சோள சாகுபடிக்கு இலக்கு நிர்ணயிக்கப்பட்டுள்ளதாக வேளாண் துணை இயக்குனர் ராஜசேகரன் தெரிவித்துள்ளார். அவர் கூறியதாவது: தேசிய வேளாண் வளர்ச்சி திட்டத்தில் மாவட்டத்தில் ஆயிரம் எக்டேர் மக்காச்சோளம் சாகுபடி செய்யப்பட இலக்கு நிர்ணயிக்கப்பட்டுள்ளது. ஒரு எக்டேருக்கு ரூ. 2500 மதிப்பிலான விதை, திரவ உயிர் உரங்கள், அங்கக உரங்கள், நானோ யூரியா என ரூ. 6 ஆயிரம் மதிப்பிலான பொருட்கள் வழங்கப்பட உள்ளது.அதிகபட்சம் இரு எக்டேர் வரை விண்ணப்பிக்கலாம். விருப்பமுள்ள விவசாயிகள் அருகில் உள்ள வேளாண் உதவி இயக்குநர் அலுவலகங்களில் விண்ணப்பிக்கலாம் என்றார்.