ராக்கெட் பால் போட்டி: திருத்தணி பள்ளி முதலிடம்

திருத்தணி: மாவட்ட அளவில் நடந்த ராக்கெட் பால் போட்டியில், திருத்தணி அரசு ஆண்கள் மேல்நிலைப் பள்ளி மாணவர்கள் முதலிடம் பிடித்தனர். திருவள்ளூர் மாவட்ட அளவிலான ராக்கெட் பால் போட்டி, சென்னை - திருப்பதி தேசிய நெடுஞ்சாலை, முருக்கம்பட்டு பகுதியில் இயங்கி வரும் சக்தி பப்ளிக் பள்ளியில் நடந்தது. இதில், 14 வயதுக்குட்பட்ட ஆண்கள் பிரிவில் 8 அணிகளும், பெண்கள் பிரிவில் 4 அணிகள் என, மொத்தம் 12 அணிகள் பங்கேற்றன. இதில், ஆண்கள் பிரிவில் திருத்தணி டாக்டர் ராதாகிருஷ்ணன் அரசு ஆண்கள் மேல்நிலைப் பள்ளி மாணவர்கள் வெற்றி பெற்று முதலிடம் பெற்றனர். அ தேபோல், பெண்கள் பிரிவில் திருத்தணி சக்தி பப்ளிக் பள்ளி மாணவியர் இறுதி போட்டியில் வெற்றி பெற்று முதலிடம் பெற்றனர். முதலிடம் பிடித்த இரு அணிகளுக்கும் சான்றிதழ் மற்றும் கோப்பை வழங்கப்பட்டன. முதலிடம் பிடித்த மாணவர்களை, திருத்தணி அரசு ஆண்கள் மேல்நிலைப் பள்ளி தலைமை ஆசிரியர் பாலசுப்பிரமணியம் மற்றும் ஆசிரியர்கள் பாராட்டினர்.