மாவட்ட தலைவர் தேர்வு காங்கிரஸ் ஆலோசனை

பல்லடம்: காங்., கட்சியின் மறு சீரமைப்பு இயக்கம் சார்பில், திருப்பூர் வடக்கு மாவட்ட தலைவரை தேர்வு செய்வது தொடர்பான ஆலோசனைக் கூட்டம், பல்லடத்தில் நடந்தது. வட்டாரத் தலைவர் புண்ணியமூர்த்தி வரவேற்றார். தேசிய செயலாளர் கோபிநாத் பழனியப்பன், மாநில செயலாளர் செல்வகுமார், சித்திக் ஆகியோர் முன்னிலை வகித்தனர். முன்னாள் எம்.பி.,யும், திருப்பூர் வடக்கு மாவட்ட மேற்பார்வையாளருமான அசோக் தன்வார் பேசுகையில், ''இதுவரை இல்லாத வகையில், காங்., கட்சி கட்டமைக்கப்பட்டு வருகிறது. வேறுபாடுகள் இல்லாத கட்டமைப்பை உருவாக்குவோம்'' என்றார். முன்னதாக, மாவட்டத் தலைவருக்கான வேட்பு மனு தாக்கல் செய்ய விருப்பம் தெரிவித்த நிர்வாகிகள், அசோக் தன்வாரை தனித்தனியாக சந்தித்து பேசினர். தொடர்ந்து, நிர்வாகிகள் பலரும் கோரிக்கை மனுக்களையும் அளித்தனர். நகரத் தலைவர்ஈஸ்வரமூர்த்தி நன்றி கூறினார்.