நாள் முழுவதும் தொடர்ந்த துாறல்

திருப்பூர்: 'டிட்வா' புயல் காரணமாக, நேற்று பகல் நேரத்தில் லேசான மழை பெய்து கொண்டிருந்ததால், திருப்பூர் மக்களின் இயல்பு வாழ்க்கை பாதிக்கப்பட்டது. நடப்பு ஆண்டில், தெற்கு மேற்கு மற்றும் வடகிழக்கு பருவங்களில் எதிர்பார்த்த அளவு மழை பெய்யவில்லை, இடையே சில வாரங்கள் மழை இல்லாததால், மானாவாரி பயிர் சாகுபடியும் கேள்விக்குறியாக மாறியது. சோளப்பயிர் வளராமல் இருந்தது. லேசான பனிப்பொழிவும் துவங்கிவிட்டதால், மழை இனி இருக்காது என்று விவசாயிகள் கவலை அடைந்தனர். இந்நிலையில், 'டிட்வா' புயல்காரணமாக, திருப்பூர் மற்றும் சுற்றுப்பகுதிகளில், நேற்று பகல் நேரத்திலும் வாகனம் மேகமூட்டத்துடன் காணப்பட்டது. காலை துவங்கி, இரவு வரை, அவ்வப்போது லேசான மழை பெய்து கொண்டே இருந்தது. 'ரெய்ன் கோட்' அணிந்தபடி, மக்கள் சென்று வந்தனர். மிகவும் லேசான மழை பெய்ததால், அதிக பாதிப்பு இல்லை என்றாலும், மக்களின் இயல்பு வாழ்க்கை பாதித்தது; திருப்பூர் நகர ரோடுகளில் அவ்வப்போது வாகன போக்குவரத்து குறைவாக காணப்பட்டது.