எம்.டி., யோகா படிக்க வாய்ப்பு

சென்னை : சென்னையில் உள்ள அரசு யோகா மற்றும் இயற்கை மருத்துவக் கல்லுாரி; செங்கல்பட்டில் உள்ள சர்வதேச யோகா மற்றும் இயற்கை மருத்துவ அறிவியல் நிறுவனத்தில், எம்.டி., யோகா மற்றும் இயற்கை மருத்துவம் பட்ட மேற்படிப்பில் மாணவர் சேர்க்கைக்கான அறிவிப்பு வெளியிடப்பட்டுள்ளது.விண்ணப்பப் படிவம்மற்றும் தகவல் தொகுப்பை, www.tnhealth.tn.gov.inஎன்ற இணையதளத்தில், நாளை முதல் ஆக., 5 வரை பதிவிறக்கம் செய்து கொள்ளலாம். பூர்த்தி செய்யப்பட்ட விண்ணப்பங்களை சமர்ப்பிக்க, ஆக., 5 கடைசி நாள். விண்ணப்ப கட்டணம் 3,000 ரூபாய்.நுழைவுத்தேர்வு நடக்கும் நாள், இடம், நேரம் குறித்த விபரம், இணையதளத்தில் பின்னர் அறிவிக்கப்படும். நுழைவுத்தேர்வு மதிப்பெண்கள் அடிப்படையில் மட்டுமே, மாணவர் சேர்க்கை நடக்கும்.