1. 2.. 3... கேம் ஆன்

: l மாநில மகளிர் கூடைப்பந்து போட்டியில், தென் மேற்கு ரயில்வே மகளிர் அணி காலிறுதி போட்டிக்கு தேர்வாகி உள்ளது. இந்த அணியின் வீராங்கனை ஸ்ருதி, 20, சிறப்பான ஆட்டத்தை வெளிப்படுத்தி வருகிறார். l மாநில அளவிலான, 'ஸ்னுாக்கர்' போட்டியில், சப் - ஜூனியர் ஆடவர் பிரிவில் பெங்களூரை சேர்ந்த முகமது முஸ்தபா தங்க பதக்கம் வென்றார். l பெங்களூரு சின்னசாமி மைதானத்தில் நடக்கும், கூச் பெஹர் கோப்பை 19 வயதுக்கு உட்பட்ட ஆடவருக்கான டெஸ்ட் போட்டியில், ஹிமாச்சல் பிரதேச அணியை கர்நாடக அணி ஐந்து விக்கெட் வித்தியாசத்தில் வீழ்த்தி வெற்றி பெற்றது. l தெலுங்கானாவில் நடந்த ஆனந்த் பஜாஜ் ஓபன் பேட்மின்டன் கலப்பு இரட்டையர் 15 வயதுக்கு உட்பட்டோருக்கான போட்டியில், மைசூரு பிரகதி எலைட் பப்ளிக் ஸ்கூல் மாணவர்கள் விஷால் உத்தப்பா, ஹன்சிகா ராகேஷ் தங்க பதக்கம் வென்றனர். l பெங்களூரில் நடக்கும் மாநில அளவிலான ஆடவர் கூடைப்பந்து போட்டி காலிறுதியை எட்டியுள்ளது. இதில், சிக்கமகளூரு அணியை சேர்ந்த சுமந்த், 23, ஷஷாங்க், 19, ஆகியோர் சிறப்பாக விளையாடி வருகின்றனர். இவர்களின் ஆட்டத்தை பார்க்க ரசிகர்கள் வந்த வண்ணம் உள்ளனர். l மைசூரில் நடந்த மாநில அளவிலான ஜூனியர் நீச்சல் போட்டியில் மார்லின் அக்வாடிக் சென்டர் மகளிர் அணியினர் வெண்கல பதக்கம் வென்றனர். l தெற்கு மண்டல மகளிர் ஊர் காவல் படையினருக்கான விளையாட்டு போட்டிகளில், ஒட்டுமொத்த போட்டிகளில் முதல் பரிசை மைசூரு மாவட்ட ஊர் காவல் படை அணி வென்றது - நமது நிருபர் -.