துலாம்: நரசிம்மரை வழிபட குடும்பத்தில் நிம்மதி உண்டாகும்.

சித்திரை 3,4: நிதானமுடன் செயல்படுவதால் சங்கடம் உங்களை நெருங்காமல் போகும். பிறருடைய விவகாரத்தில் தலையிடாமல் தன்குடும்பம் தன்வேலை தன்தொழில் என்று வாழ்வது நன்மை அளிக்கும். எடுத்த வேலையை முடிக்க முடியும். எதிர்பார்த்த பணம் வரும். 

சுவாதி: ராசிக்குள் லாபாதிபதி நீச்சம், சுக்கிரன் புதன் வக்கிரம் அடைந்திருப்பதால் எடுக்கும் வேலைகளில் கவனம் தேவை. நெருக்கமாக இருந்தவர்களுடனும் மனக்கசப்பு உண்டாக வாய்ப்பு இருப்பதால் பேச்சு செயல்களில் எச்சரிக்கை அவசியம். லாப ஸ்தான குரு, கேதுவால் வருமானம் உயரும். பண நெருக்கடி நீங்கும். பெரியோரின் ஆதரவு கிடைக்கும்.

விசாகம் 1,2,3: சகாய, பூர்வ புண்ணிய, சப்தம ஸ்தானங்களுக்கு குரு பார்வை உண்டாவதால் தைரியம் கூடும். குடும்பத்தில் இருந்த நெருக்கடி நீங்கும். கையில் பணம் புரளும். கணவன் மனைவிக்குள் இணக்கமான நிலை உண்டாகும். மகிழ்ச்சி அதிகரிக்கும். திருமண வயதினருக்கு வரன் வரும்.