இந்த வாரம் என்ன

ஜூலை 5 ஆனி 21: அமாவாசை விரதம். திருவள்ளூர் வீரராகவர் தெப்போற்ஸவம். ஆவுடையார் கோவில் சிவபெருமான் பவனி. ஸ்ரீபெரும்புதுார் மணவாள மாமுனிகள் உடையவருடன் புறப்பாடு. திருக்கண்ணபுரம் சவுரிராஜப்பெருமாள் விபீஷண ஆழ்வாருக்கு நடையழகு சேவை காண்பித்தல். ஜூலை 6 ஆனி 22: ராமநாதபுரம் கோதண்டராமசுவாமி உற்ஸவம் ஆரம்பம். ஸ்ரீவில்லிபுத்துார் பெரியாழ்வார் உற்ஸவம் ஆரம்பம். ஆழ்வார் திருநகரி நம்மாழ்வார், காஞ்சிபுரம் வரதராஜப்பெருமாள், அரியக்குடி சீனிவாசப்பெருமாள் இத்தலங்களில் திருமஞ்சனம். ஜூலை 7 ஆனி 23: முகூர்த்த நாள்.அமிர்தலட்சுமி விரதம். சந்திர தரிசனம். திருமயம் சத்தியமூர்த்தி புறப்பாடு. திருநெல்வேலி நெல்லையப்பர், காந்திமதியம்மன் தாமிரபரணி நீரில் திருமஞ்சனம். ஜூலை 8 ஆனி 24: சங்கரன்கோவில் கோமதியம்மன் புஷ்பப் பாவாடை தரிசனம். திருத்தணிமுருகப்பெருமானுக்கு பால் அபிஷேகம். ஜூலை 9 ஆனி 25: சதுர்த்தி விரதம். குரங்கணி முத்துமாலையம்மன் பவனி. மிலட்டூர் விநாயகர், தேரெழுந்துார் ஞானசம்பந்தர் புறப்பாடு. மாணிக்கவாசகர் குருபூஜை.ஜூலை 10 ஆனி 26: முகூர்த்த நாள். சமீகவுரி விரதம். திருத்தணி முருகப்பெருமான் பால் அபிஷேகம். அமர்நீதி நாயனார் குருபூஜை. ஜூலை 11 ஆனி 27: ஆனி உத்திர அபிஷேகம். ஸ்கந்த பஞ்சமி. சங்கரன் கோவில் கோமதியம்மன் உற்ஸவம் ஆரம்பம். சிதம்பரம், ஆவுடையார் கோவில் சிவன் தேர். திருப்பதி ஏழுமலையான் புஷ்பாங்கி சேவை.