அந்துமணி பதில்கள்!

எம். கல்பலதா, சென்னை: 'லோக்சபா தேர்தலில் போட்டியிட மாட்டேன்...' என்று, தமிழக பா.ஜ., தலைவர் அண்ணாமலை கூறியுள்ளாரே...அவருக்கு, மத்திய அமைச்சர் ஆகும் ஆசை இல்லை போலும். கவர்னராக மட்டுமே எண்ணம் இருக்கிறது போலும்.* ஆர். சண்முகம், திருப்பூர்: நமது நாளிதழில், தி.மு.க.,வை தாக்கி, அதிக செய்திகள் வருகிறதே... அது ஏன்?உண்மையான தவறுகளை சுட்டிக் காட்டி செய்திகள் வெளியிடுவது தவறா... உண்மையின் உரைகல், 'தினமலர்' என்பது உங்களுக்குத் தெரியாதா? என். ஜெயம், மேல்புவனகிரி: நம் அரசியல்வாதிகள் அடிக்கடி வெளிநாடு பறக்கின்றனரே... உண்மையிலேயே, அது, தொழில் முதலீடுகளை ஈர்க்கத்தானா?இல்லை... ஊழலில் சம்பாதித்த பணத்தை, அங்கே முதலீடுசெய்வதற்கு தான்! * முருகு. செல்வகுமார், சென்னை: 'பிரதமர் பதவி மீது ஆசையில்லை. தேர்தலில் போட்டியிடப் போவதுமில்லை...' என்கிறாரே, தேசியவாத காங்கிரஸ் தலைவர் சரத்பவார்?அவருக்கு வயதாகி விட்டது, ஒரு காரணம்; எதிர்க்கட்சி தலைவர்களிடம், பிரதமர் பதவிக்கு போட்டி அதிகமுள்ளதால், தனக்கு வாய்ப்பில்லை என்பது, அடுத்த காரணம்!டி.ஜெ. சிங், சிங்காநல்லுார்: நதிநீர் பிரச்னையில், தமிழக காங்கிரஸ், கர்நாடகாவுக்கு ஆதரவா... தமிழகத்துக்கா...தமிழகத்துக்கு ஆதரவில்லை என்றால், தி.மு.க., கூட்டணி உடைந்து விடும். ஆதரவு என்றால், கர்நாடகாவில், காங்கிரஸ் ஆட்சி ஆட்டம் கண்டுவிடும். என்ன நடக்கப் போகிறது என்று பொறுத்திருந்து பார்ப்போம்!ஜி. மூர்த்தி, நெல்லை: முதல்வர் ஸ்டாலின், எதிர்பார்த்தது போல, தி.மு.க., மந்திரிகள் நடந்து கொள்கின்றனரா?அவர் தான், மந்திரிகளின் பேச்சுக்களால், நடவடிக்கைகளால், இரவில் துாக்கம் வரவில்லை என்று, நாசுக்காக சொல்லி விட்டாரே. இதை மந்திரிகள் புரிந்து கொண்டால், நல்லது. முதல்வருக்கு துாக்கம் வரும்! கு. மூர்த்தி, மதுரை: துணை புரியத் தகுந்த நண்பன் யாராக இருக்கும். அப்படிப்பட்டவனை தேர்ந்தெடுக்க என்ன செய்ய வேண்டும்?நீங்கள் செய்ய வேண்டியது... நன்மையும், தீமையும் ஆராய்ந்து பார்த்து, தீமையை விலக்கி, நன்மையை மட்டுமே விரும்பும் இயல்புடையவனே, துணை புரிய தகுதியானவன். அப்படியே பார்த்துக் கொள்ளுங்கள்!