ஜூனில் கர்நாடக மேலவையில் 16 எம்.எல்.சி.,க்கள் ஓய்வு

கர்நாடக மேலவையில் 16 எம்.எல்.சி.,க்களின் பதவிக்காலம் வரும் ஜூன் மாதத்துடன் முடிவடைகிறது. பா.ஜ.,வின் ரகுநாத மல்யாபுரே, தேஜஸ்வினி கவுடா, நஞ்சுண்டி விஸ்வ கர்மா, ரவிகுமார், முனிராஜு கவுடா, ருத்ரேகவுடா, தேவகவுடா; காங்கிரசின் நாராயணசாமி, அமைச்சர் போசராஜ், அரவிந்த் குமார் அராலி, கோவிந்தராஜ், ஹரிஷ் குமார், சந்திர சேகர் பாட்டீல்; ம.ஜ.த.,வின் போஜேகவுடா, மரிதிப்பேகவுடா, பாருக் ஆகியோரின் பதவிக்காலம், வரும் ஜூன் 16ல், முடிவடைய உள்ளது.பதவிக் காலத்தின் இறுதிக் கட்டத்தில் உள்ள, 16 எம்.எல்.சி.,க்களுக்கு நேற்று முன் தினம், பிரிவு உபசார நிகழ்ச்சி நடந்தது. உறுப்பினர் பலரும் உரையாற்றினர். பழைய சம்பவங்களை நினைவுகூர்ந்தனர்.