கொடை யில் சைட் சீன் பஸ் இயக்கம்

கொடைக்கானல் : கொடைக்கானலில் கோடை சீசன் துவங்கி உள்ள நிலையில் இங்குள்ள இயற்கை எழில் காட்சிகளை கண்டு ரசிக்க அரசு போக்குவரத்து கழகம் சிறப்பு பஸ்களை இயக்கி வருகிறது.அப்பர் லேக்வியூ , மோயர் சதுக்கம், பைன் பாரஸ்ட், குணா குகை, துாண் பாறை, பசுமை பள்ளத்தாக்கு, கோல்ப் மைதானம், பாம்பார் , 500 வருட மரம், கோக்கர்ஸ் வாக், பிரையன்ட் பூங்கா, ஏரி உள்ளிட்ட 12 இடங்களை கண்டுகளிக்க பெரியோர்களுக்கு ரூ. 150 கட்டணமாகவும், 12 வயதிற்கு உட்பட்ட சிறார்களுக்கு ரூ. 75 கட்டணமாக நிர்ணயிக்கப்பட்டுள்ளது. தினமும் காலை 8: 00 மணிக்கு இதற்கான முன்பதிவு கொடைக்கானல் பஸ் ஸ்டாண்டில் நடக்கிறது. 12 இடங்களை சுற்றி பார்க்க 4 மணி நேரம் அவகாசம் அளிக்கப்படுகிறது. பயணிகளின் வருகைக்கேற்ப கூடுதல் பஸ்கள் இயக்கப்படும்.