பள்ளப்பட்டி குப்பை கிடங்கில் தீ விபத்து

அரவக்குறிச்சி: அரவக்குறிச்சி, பள்ளப்பட்டியில் இருந்து லிங்கமநாயக்கன்-பட்டி செல்லும் சாலையில் நகராட்சி குப்பை கிடங்கு உள்ளது. இதன் அருகில், 200க்கும் மேற்பட்ட குடியிருப்புகளும், பெண்கள் அரபி கல்லுாரியும் உள்ளது.இந்நிலையில், நேற்று முன்தினம் இரவு, 7:00 மணியளவில், நக-ராட்சிக்குட்பட்ட குப்பை கிடங்கில் திடீரென தீப்பற்றி மளமள-வென எரிய தொடங்கியது. இதனால் அருகே வசிக்கும் மக்கள் பீதியடைந்து, அரவக்குறிச்சி தீயணைப்பு நிலையத்திற்கு தகவல் தெரிவித்தனர். உடனடியாக அங்கு வந்த தீயணைப்பு வீரர்கள், கொளுந்து விட்டு எரிந்த தீயை அரை மணி நேரம் போராடி கட்-டுக்குள் கொண்டு வந்தனர். இதனால், பெரும் விபத்து தவிர்க்கப்-பட்டது.