பவித்திரம் ஆட்டுச்சந்தையில் ரூ.6 லட்சத்திற்கு வர்த்தகம்

எருமப்பட்டி, எருமப்பட்டி யூனியன், பவித்திரத்தில் வாரந்தோறும் திங்கட்கிழமை ஆட்டுச்சந்தை நடக்கிறது. இந்த சந்தைக்கு நவலடிப்பட்டி, முட்டாஞ்செட்டி, கஸ்துாரிப்பட்டி உள்ளிட்ட பல்வேறு பகுதிகளில் இருந்து ஏராளமான விவசாயிகள் ஆடுகளை விற்பனைக்கு கொண்டு வருகின்றனர். இதேபோல், முசிறி, எருமப்பட்டி உள்ளிட்ட பல்வேறு பகுதிகளில் இருந்து வரும் விவசாயிகள் ஆடுகளை கறிக்கடைகளுக்கு வாங்கி செல்கின்றனர்.கடந்த சில ஆண்டாக, திங்கட்கிழமை நாளில் செவ்வந்திப்பட்டியிலும் ஆட்டுச்சந்தை நடப்பதால், பவித்திரம் சந்தைக்கு ஆடுகள் வரத்து வெகுவாக குறைந்தது. இதேபோல், நேற்று நடந்த சந்தைக்கும் ஆடுகள் வரத்து வெகுவாக குறைந்ததால், வியபாரிகள் ஏமாற்றமடைந்ததுடன், ஆறு லட்சம் ரூபாய்க்கு விற்பனை நடந்ததாக வியாபாரிகள் தெரிவித்தனர்.