விநாயகர் விசர்ஜன விழா 501 இடங்களில் சிலைகள்

ஊட்டி : நீலகிரி மாவட்டத்தில் வரும் 31ம் தேதியில் இருந்து செப். 4ம் தேதி வரை விநாயகர் விசர்ஜன விழா நடத்த 501 இடங்களில் சிலைகள் வைக்க முடிவு செய்யப்பட்டுள்ளது. இந்து முன்னணி கோவை - நீலகிரி மாவட்ட ஒருங்கிணைப்பாளர் செல்­வகுமார் வெளியிட்டுள்ள அறிக்கை: நீலகிரி மாவட்டத்தில் வரும் 31ம் தேதியில் இருந்து செப்டம்பர் மாதம் 4ம் தேதி வரை விநாயகர் சதுர்த்தி விழா நடத்தப்படுகிறது. இந்து முன்னணி சார்பில் நீலகிரி மாவட்டம் முழுவதும் 501 இடங்களில் விநாயகர் சிலைகள் வைக்கப்பட்டு வழிபாடு நடத்த ஏற்­பாடுகள் செய்யப்­பட்டுள்ளன. கோவில்­களில் தரிசன கட்டணத்தை ரத்து செய்ய கோரி மக்கள் மத்தியில் விழிப்புணர்வு ஏற்படுத்தும் வகையில் விழாவில் வலியுறுத்தப்படுகிறது. செப். 4ம் தேதி நடக்கும் விசர்ஜன விழாவில் மாநில, மாவட்ட, ஆன்மிக பெரிய­வர்­கள், சமுதாய தலைவர்கள் பலர் பங்கேற்­கின்றனர். நீலகிரி மாவட்ட படுகர் குல கலாச்­சாரம் மற்றும் பண்பாட்டை பாது­காக்­கும் வகையில் மதமாற்றத்தை தடுக்கும் விதமாக மதமாற்ற தடுப்புக்குழு ஏற்­படுத்தவும் முடிவு செய்யப்பட்டுள்ளது. இவ்வாறு, செல்வகுமார் கூறியுள்ளார்.