ஹோலிகிராஸ் மெட்ரிக் பள்ளியில் 63ம் ஆண்டு விழா -கொண்டாட்டம்

சேலம்:சேலம் ஹோலி கிராஸ் மெட்ரிக் மேல்நிலைப்பள்ளியில், 63ம் ஆண்டு விழா கொண்டாடப்பட்டது. தலைமை விருந்தினராக, சுற்றுலாத்துறை அமைச்சர் ராஜேந்திரன், சிறப்பு விருந்தினராக, இந்திய கடற்படை பயிற்சி நிறுவன, மின்னணுவியல் மற்றும் தகவல் தொடர்பியல் துறை தலைவர் பார்த்தசாரதி, சிறப்பு அழைப்பாளராக, சேலம் மாநகராட்சி கமிஷனர் இளங்கோவன் பங்கேற்றனர்.சிறப்பு விருந்தினர்கள், 'தொழில்நுட்பத்தின் துணை கொண்டு விழுமியங்களை எட்டிப்பிடிப்போம்' தலைப்பில் பேசினர். பின் பள்ளி முதல்வர், தாளாளர் சேசுராஜ், ஆண்டறிக்கையை வாசித்தார். தொடர்ந்து கல்வி, விளையாட்டு உள்ளிட்டவற்றில், முதலிடம் பிடித்த மாணவ செல்வங்களுக்கு பரிசுகள் வழங்கப்பட்டன. செயற்கை நுண்ணறிவு தானியங்கி மனித இயந்திர செயல்பாடுகளை, மாணவர்கள் செயல்படுத்திக்காட்டினர்.மாணவர்களின் பல்வேறு கலைநிகழ்ச்சிகள், பெற்றோர், பார்வையாளர்களை உற்சாகப்படுத்தியது. பள்ளி முதல்வர் சேசுராஜ், நிர்வாகி ஏசுதாசன் தலைமையில், மேல்நிலைப்பள்ளி துணை -முதல்வர் அந்துவான் குணசீலன், தொடக்கப்பள்ளி துணை முதல்வர் சங்கீதா, ஆசிரியர் குழுவினர், இதர பணியாளர்கள், விழா ஏற்பாடுகளை செய்திருந்தனர்.