கோயில்களில் கும்பாபிஷேகம்

அருப்புக்கோட்டை : அருப்புக்கோட்டையில் 4 கோயில்கள் கும்பாபிஷேகம் நடந்தது.அருப்புக்கோட்டை சொக்கலிங்கபுரத்தில் படித்துறை விநாயகர் கோயில், வினை தீர்க்கும் விநாயகர் கோயில், வல்லப கணபதி கோயில், நீர் காத்த அய்யனார் கோயில்களின் கும்பாபிஷேகம் நேற்று காலை 9:30 மணிக்கு நடந்தது.கணபதி ஹோமம் வாஸ்து சாந்தி பூர்ணாகுதி, 4 கால பூஜைகள் நடத்தப்பட்டது. நேற்று காலை 9:30 மணிக்கு விமான கும்பாபிஷேகம் மூலஸ்தான கும்பாபிஷேகம் மகா தீபாராதனை நடந்தது.கலசங்களுக்கு புண்ணிய நீர் தெளிக்கப்பட்டது. சிறப்பு அலங்காரத்தில் விநாயகர், வல்லப கணபதி, அய்யனார் பக்தர்களுக்கு அருள் பாலித்தனர். ஆயிரக்கணக்கான பக்தர்கள் கலந்து கொண்டனர். ஏற்பாடுகளை கோயில் நிர்வாகத்தினர் செய்தனர்.