மருத்துவமனைகளுக்கு ரூ.70 கோடியில் கூடுதல் கட்டடங்கள்

சென்னை: சிவகாசி, கிருஷ்ணகிரி, கடலுார் மாவட்ட அரசு மருத்துவமனைகளில், 70.55 கோடி ரூபாயில், கூடுதல் கட்டடங்கள் கட்டப்பட உள்ளன.இதுகுறித்து, மக்கள் நல்வாழ்வு துறை அமைச்சர் சுப்பிரமணியன் வெளியிட்ட அறிக்கை: சிவகாசி அரசு மருத்துவமனையில், 28.80 கோடி ரூபாயில், தரைதளத்துடன் கூடிய ஆறு மாடி கட்டடம்; 3.75 கோடி ரூபாயில் மருத்துவ உபகரணங்கள் என, 32.55 கோடி ரூபாயில், அவசர சேவைகள், சிகிச்சை பிரிவு உள்ளிட்டவை ஏற்படுத்தப்பட உள்ளன. இவற்றால், தீக்காயங் கள், சுவாச பிரச்னைகள், மகப்பேறு மற்றும் அவசர கால சேவைகள் மேம்படுத்தப்படும் கிருஷ்ணகிரி மாவட்டம் தேன்கனிக்கோட்டை அரசு மருத்துவமனையில், தேசிய நலவாழ்வு குழும நிதி உதவியுடன், தரைதளத்துடன் கூடிய, இரண்டு மாடி கட்டடம், 20 கோடி ரூபாயில் கட்டப்படும் கடலுார் மாவட்டம் சிதம்பரம் அரசு மருத்துவ கல்லுாரி மருத்துவமனையில், 18 கோடி ரூபாயில், 50 படுக்கை கள் கொண்ட அதிதீவிர சிகிச்சை பிரிவு கட்டடம் கட்டப்பட உள்ளது. இக்கூடுதல் கட்டடங்கள் வாயிலாக, மருத்துவமனைகளின் சிகிச்சைகள் மேம்படும்.இவ்வாறு அறிக்கையில் கூறப்பட்டு உள்ளது.