பா.ம.க., வேட்பாளர் பட்டியல் வெளியீடு: கடலூரில் இயக்குனர் தங்கர்பச்சான் போட்டி

சென்னை: பா.ஜ., கூட்டணியில் போட்டியிடும் பா.ம.க., 9 தொகுதிகளுக்கான வேட்பாளர் பட்டியலை அறிவித்துள்ளது. ஒரு தொகுதிக்கான வேட்பாளரை மட்டும் இன்னும் அறிவிக்கவில்லை.லோக்சபா தேர்தலில் பா.ஜ., கூட்டணியில் பா.ம.க., இடம்பெற்றுள்ளது. அக்கட்சிக்கு திண்டுக்கல், அரக்கோணம், கடலூர், ஆரணி, மயிலாடுதுறை, விழுப்புரம், கள்ளக்குறிச்சி, சேலம், தர்மபுரி, காஞ்சிபுரம் ஆகிய 10 தொகுதிகள் ஒதுக்கப்பட்டன. வேட்பாளர்கள் தேர்வு குறித்து தீவிரமாக ஆலோசனை நடத்தி வந்த நிலையில் முதற்கட்டமாக 9 தொகுதிகளுக்கான வேட்பாளர் பட்டியலை அக்கட்சி அறிவித்துள்ளது. காஞ்சிபுரம்(தனி) தொகுதிக்கு மட்டும் வேட்பாளர் அறிவிக்கப்படவில்லை.இதன்படி.1.கடலூர்- இயக்குனர் தங்கர்பச்சான்2.திண்டுக்கல் - திலகபாமா3. அரக்கோணம்- கே.பாலு4.ஆரணி- கணேஷ்குமார்5.மயிலாடுதுறை-ம.க.ஸ்டாலின்6.விழுப்புரம்-முரளிசங்கர்7. கள்ளக்குறிச்சி- தேவதாஸ்8. சேலம்- அண்ணாதுரை9.தர்மபுரி-அரசாங்கம் ஆகியோர் போட்டியிட உள்ளனர். வேட்பாளர் பட்டியலில் அன்புமணி பெயர் இடம்பெறவில்லை.