தலையில் காயத்துடன் ஆண் சடலம் மீட்பு

கோடம்பாக்கம், கோடம்பாக்கம் பவர் ஹவுஸ் அருகே அம்பேத்கர் சிலை உள்ளது. இந்த சிலையின் அருகே ஒருவர் தலையில் காயங்களுடன் இறந்து கிடப்பதாக, போலீசாருக்கு நேற்று மதியம் தகவல் கிடைத்தது. கோடம்பாக்கம் போலீசார் உடலை மீட்டு, ராயப்பேட்டை அரசு மருத்துவமனைக்கு அனுப்பி வைத்தனர். விசாரணையில், இறந்த நபர் கோடம்பாக்கம் காமராஜர் காலனியைச் கன்னியப்பன், 40; திருமணமாகவில்லை. இவர், உறவினரும் அ.தி.மு.க., 134வது வார்டு வட்ட செயலருமான நக்கீரன் என்பவர் வீட்டில் வசித்து வந்தார்.இந்நிலையில், நேற்று முன்தினம் இரவு, டாஸ்மாக் கடைக்கு செல்வதாக கூறி சென்றவர் பின் வீடு திரும்பவில்லை. இது குறித்து போலீசார் விசாரித்து வருகின்றனர்.