பெர்ட்ரம் நினைவு பால் பேட்மின்டன் லயோலா ஒயிட்ஸ், எல்லோஸ் தகுதி

சென்னை, லயோலா கல்லுாரியின் நிறுவனர் 'பெர்ட்ரம்' நினைவு கோப்பைக்கான விளையாட்டு போட்டிகள், 90வது ஆண்டாக, நுங்கம்பாக்கத்தில் உள்ள கல்லுாரி வளாகத்தில் நடக்கிறது.இதில், பள்ளிகளுக்கான பால் பேட்மின்டன், வாலிபால் மற்றும் கூடைப்பந்து; கல்லுாரிகளுக்கு இடையிலான கபடி, டென்னிஸ், கோ - கோ, வாலிபால், கூடைப்பந்து, பால் பேட்மின்டன், செஸ் உள்ளிட்ட போட்டிகள், இருபாலருக்கும் நடக்கின்றன.சென்னை உட்பட பல்வேறு பகுதிகளில் இருந்து, ஏராளமான பள்ளி மற்றும் கல்லுாரி மாணவ - மாணவியர் பங்கேற்று உள்ளனர்.நேற்று காலை நடந்த கல்லுாரிகளுக்கான பால் பேட்மின்டன் போட்டியின் காலிறுதி ஆட்டங்கள் நடந்தன. அவற்றில், லயோலா எல்லோஸ், லயோலா ஒயிட்ஸ் உட்பட நான்கு அணிகள் அரையிறுதி 'லீக்' ஆட்டங்களுக்கு தகுதி பெற்றுள்ளன.