ஆனைமலையில் கொப்பரை ஏலம்

ஆனைமலை;ஆனைமலை ஒழுங்குமுறை விற்பனை கூடத்தில் நேற்று கொப்பரை ஏலம் நடந்தது. ஒழுங்குமுறை விற்பனை கூட கண்காணிப்பாளர் செந்தில்முருகன் தலைமை வகித்தார்.முதல் தர கொப்பரை, 48 மூட்டைகள் ஏலம் விடப்பட்டதில், கிலோவுக்கு, 83.26 ரூபாய் முதல், 91.55 ரூபாய் வரை விலை கிடைத்தது.இரண்டாம் தர கொப்பரை, 156 மூட்டைகள் ஏலம் விடப்பட்டதில், கிலோவுக்கு, 65 முதல், 78.50 ரூபாய் வரை விலை கிடைத்தது.மொத்தம், 204 கொப்பரை மூட்டைகளை, 26 விவசாயிகள் கொண்டு வந்தனர். ஒன்பது வியாபாரிகள் ஏலத்தில் பங்கேற்றனர்.கடந்த வாரத்தை விட, கொப்பரை கிலோவுக்கு, 1.46 ரூபாய் விலை உயர்ந்து காணப்பட்டது.இந்த வாரம், 7.16 லட்சம் ரூபாய் மதிப்பிலான மொத்தம், 91.80 குவிண்டால் கொப்பரை ஏலத்துக்கு கொண்டு வரப்பட்டன. இத்தகவலை விற்பனை கூட கண்காணிப்பாளர் தெரிவித்தார்.