வரும் 26ல் கிருஷ்ண ஜெயந்தி பொம்மை தயாரிப்பு தீவிரம்

காஞ்சிபுரம், கிருஷ்ண ஜெயந்தி விழா வரும் 26ல் கொண்டாடப்பட உள்ளது. சின்ன காஞ்சிபுரத்தில், அஸ்தகிரி தெருவில், 15க்கும் மேற்பட்ட குடும்பத்தினர், கிருஷ்ணர் பொம்மை தயாரிக்கும் பணியில் ஈடுபட்டு வருகின்றனர்.சின்ன காஞ்சிபுரத்தைச் சேர்ந்த, முதுநிலை கைவினை கலைஞருமான என்.சுரேஷ் கூறியதாவது:கிருஷ்ண ஜெயந்தியையொட்டி, ஒன்றரை மாதமாக, 4 இன்ச் முதல், 4 அடி வரையிலான பல்வேறு விதமான கிருஷ்ணர் பொம்மைகளை தயார் செய்து வருகிறோம். இந்தாண்டு 20 சதவீதம் விலை உயர்ந்துள்ளது.இந்தாண்டு 10க்கும் மேற்பட்ட புதுவகையான கிருஷ்ணர் பொம்மை தயார் செய்துள்ளோம். எங்களிடம் குறைந்தபட்சம் 80 - 15,000 ரூபாய் வரை பல்வேறு வடிவங்களில் கிருஷ்ணர் பொம்மைகள் விற்பனைக்கு உள்ளது.இவ்வாறு அவர் கூறினார்.