மருதுார் ரயில்வே குகை வழிப்பாதை விரைந்து முடிக்க மக்கள் கோரிக்கை

குளித்தலை: குளித்தலை அடுத்த மருதுார் டவுன் பஞ்., மேட்டுமருதுார் சாலையில் உள்ள ரயில்வே கேட்டில் குகை வழிப்பாதை அமைக்கும் பணி, கடந்த மாதம் தொடங்கியது. இந்த குகை வழிப்பாதை அமைக்கும் பணியின் போது, நிலத்தடி நீர் ஊற்றெ-டுப்பதால், பணிகள் மந்தமாக நடந்து வருகின்றன. இதனால், மருதுார், மேட்டுமருதுார், பணிக்கம்பட்டி, வளையப்பட்டி, நல்லுார், கூடலுார், கணேசபுரம், பேரூர் பகுதி கிராமத்தை சேர்ந்த பொதுமக்கள், 10 கிலோ மீட்டர் துாரம் சுற்றி, குளித்-தலை, பெட்டவாய்த்தலைக்கு செல்ல வேண்டிய அவலநிலை இருந்து வருகிறது.எனவே, ரயில்வே நிர்வாகம், குகை வழிப்பாதையை விரைந்து முடித்து வாகனங்களில் சென்று வர ஏற்பாடு செய்ய வேண்டும் என, கிராம பொதுமக்கள் சேலம் ரயில்வே கோட்ட பொது மேலாளருக்கு கோரிக்கை விடுத்துள்ளனர்.